રામાયણ : ભારતીય જીવનમૂલ્યોનું પુલકિત પંચામૃત્ત

Abstract

            રામાયણ એ માત્ર ધર્મગ્રંથ નથી કે નથી માત્ર માનવતાનું મહાકાવ્ય. રામાયણ તો ભારતીયતાની શાહીથી ભારતીય ઈતિહાસના કાગળ ઉપર લખેલો ભારતીય સંસ્કૃતિનો એક જીવંત દસ્તાવેજ છે. ભારતીય સંસ્કૃતિનો નમણો ચહેરો ‘રામાયણ’માં નિહાળવા મળે છે. ભારતીય સંસ્કૃતિ યુગોયુગોથી સમગ્ર વિશ્વની ભાતીગળ પ્રજાને જીવનમૂલ્યો રૂપી પ્રેરણાના પીયુષ પીવડાવતી રહી છે ત્યારે ભારતીય સંસ્કૃતિનો પૂર્ણત: પરિચય કરાવતી અમર રચના ‘રામાયણ’માંથી પ્રગટતા અને આજના આધુનિક માનવસમાજે શીખવા જેવા પંચામૃત્ત સમાન પાંચ જીવનમૂલ્યો વિશે-મિષે વાત કરવાનો અહીં ઉપક્રમ છે.