रघुवंश - कुमारसम्भव - महाकाव्यस्थ - वसन्त - ऋतोस्तुलनात्मकमध्ययनम्

Abstract

शिशिरः पुष्पसमयो ग्रीष्मो वर्षाशरद्धिमाः ।
माघादिमासयुग्मैः स्युर्ऋतवः षट् क्रमादमी ।।
ऋ अर्तेश्च तुः ।। १/७२ इत्युणादिसूत्रेण तुः चकारात् किच्च तेना नादिगुण- वृद्धिविधिः । ऋतुः कालविशेषः ।। सः तु षड्विधः यथा मार्गपौषौ हिम:, माघफाल्गुनौ शिशिरः, चैत्रवैशाखौ वसन्तः, ज्येष्ठाषाढ ग्रीष्मः, श्रवणभाद्रौ वर्षा:, आश्विनकार्त्तिकौ शरत् - इत्यमरः । दीप्तिरिति मेदिनी । मासः सुवीरो वेति विश्वः ।।